PATANG
HARI DI TANGAH SABUAH TAMAN KOTA DUDUAKLAH 3 ORANG LELAKI YAITU ORANG TUO,
LELAKI SAPARO BAYA, DAN SAORANG ANAK MUDO. DI MANO ORANG TUO DAN LELAKI SAPARO
BAYA SADANG LAMAK MA OTA.
LELAKI
Ondeh mak tarnyato emang amaik susah manjalani
iduik ko yo.
ORANG TUO
Yo kalau ba itu mati ajo,
manga di ambiak pusiang?
LELAKI
Eh pak lamak ajo
ngecek-ngecek mati, ambo alun ka mati sabalum dapek mangaja cito-cito ambo.
ORANG TUO
Cito- cito ??
LELAKI
Apo pulo yang aneh
??? ooo ambo mangarati, bapak ndak tau
yo apo itu cito-cito?? Cito-cito itu samo jo keinginan awak….
ORANG TUO
Hati-hati muncuang wa ang
nak, dulu ambo tau dari anak lai
LELAKI
Yo manga ba tanyo tadi ??
eh pak buliah batanyo ciek ??
ORANG TUO
Batanyo apo nak ??
LELAKI
Apo cito-cito bapak?
ORANG TUO
Manga wa ang batanyo itu
??? apo urusan wa ang?
LELAKI
Tapi buliah batanyo ???
plin-plan bana apak mah….
ORANG TUO
Aden wa ang kecek ang
plin-plan? Ndak tau aden siapo, tau ang bapak brimob nan di kampuang sabalah,
aden kawan karib nyo yuang.
LELAKI
tau pak presiden Indonesia
tu sia ?? itu brimob pulo mah.
DUDUAKLAH
ANAK MUDO DI SAMPIANG ORANG TUO DAN LELAKI.
LELAKI
Yuang, apo cito-cito wa
ang??? Pasti ingin jadi urang politik wa ang yo ?
ANAK MUDO
Sembarang ajo uda mah,
dari ma pulo uda dapek anggapan mode itu ?
LELAKI
Dari tadi den caliak ang
baco Koran ajo karajo ang, kalau ndak salah urang nan rajin baco Koran tu urang
nan ingin jadi politikus.
ORANG TUO
Alun tantu lai…..
ANAK MUDO
Sabana nyo ambo ndak suko
baco Koran, isi koran ndak ado nan rancak do.
LELAKI
Ntu manga ang baco ??
ANAK MUDO
Aden ibo ajo mancaliaknyo,
urang alah susah-susah mambuek Koran masak ndak ado yang baco, makonyo den
baco.
LELAKI
MEREBUT
KORAN DAN MELEMPARKANNYA KE TONG SAMPAH.
ANAK MUDO
Manga uda campak an ?
LELAKI
Karno aden pengen
mancampak an. (TERTAWA)
ANAK MUDO
(MANANGIH)
ORANG TUO
Manga ang manangih ?? itu
kan hanyo Koran. Kecek wa ang tadi ndak suko pulo samo itu? Kalau ang ndak suko
yo jan di pakso diri ang itu untuak suko karno itu hanyo mambuek Koran ndak ado
gunonyo.
ANAK MUDO
Di situ ado urang nan
punyo cito-cito mulia, dan aden ingin pulo manjadi urang tu.....
LELAKI
Cito-cito?
ORANG TUO
Apo pulo yang aneh jo itu
? ang alun mangarati apo itu cito-cito yo?
LELAKI
Diam ajo lah pak, apo
cito-cito wa ang ?
ANAK MUDO
Aden alah bosan jo
pergaulan nan bebas bana di nagari ko, makonyo aden punyo cito-cito nan paliang
rancak nan den kaja dan untuak mandapek an nyo itu pun murah bana. Manga
mangaja nan susah labiah baiak nan mudah ajo.
LELAKI
Pasti ang nio jadi polisi
yo dan manangkok urang nan jua narkoba ?
ANAK MUDO
Salah….
ORANG TUO
Pasti ang nio jadi kapalo
desa yo ? dan mamimpin anak-anak mudo supayo indak main padusi….
ANAK MUDO
Salah..
LELAKI DAN ORANG TUO
Salah ?? ntu ang nio jadi
apo ?
ANAK MUDO
Aden ingin jadi buronan.
ORANG TUO
Buronan ??? apo tuh ?
LELAKI
Kampungan bana pak mah,
buronan tuh urang nan main kaja-kajaan jo polisi. Sabananyo itu mirip olahraga…
ORANG TUO
Ondeh mande tarnyato
rancak bana cito-cito ang, itu baru mulia namonyo. Daripado polisi tu diam ajo
di kantua dan inyo mandapek pitih juo, bararti ang secara langsuang ma agiah
karajo samo polisi tuh, salut bana mancaliak wa ang.
ANAK MUDO
Tarimo kasih pak, bapak
apo cito-citonyo?
ORANG TUO
Sabananyo ambo punyo
banyak cito-cito, tapi ciek nan alun tasampaian lai. Ambo ingin jadi koruptor.
LELAKI
Koruptor?? Bukannyo itu
indak elok?
ANAK
MUDO
Kato sia ??? koruptor itu
adalah karajo bagi urang nan ingin capek kayo. Caliak lah urang nan korupsi tu,
ciek urang nan korupsi pasti minimal 20 urang sanak kaluarganyo jadi kayo, cubo
bayangkan kalau samuo urang korupsi di nagari ko pasti kayo sadonyo. Bana-bana
mulia urang yang korupsi tu.
LELAKI
Yo bana gilo kalian,
cito-cito tu yang elok-elok bia bisa iduik sanang….
ORANG TUO
Elok, elok?? Emang apo
cito-cito wa ang?
LELAKI
Cito-cito ambo paliang
mulia, aden ingin jadi pencopet.
ANAK MUDO DAN ORANG
TUO
Pencopet ???
LELAKI
Iyoo pencopet, bia urang
nan kayo-kayo tuh ndak sombong mancaliak barang bahargo nyo di tampek umum. Kan
kito tau kalau urang nan kayo salalu mamanggak an ameh, peraknyo.
ANAK MUDO
Bararti mulia juo niat uda
mah. Ndak nyangko uda punyo pemikiran sarupo itu.
ORANG TUO
Bararti cito-cito siapo
yang paliang mulia?
LELAKI
Alah tantu pencopet lah….
ANAK
MUDO
Eeeee buronan nan paliang
mulia.
ORANG TUO
Jan mangecek juo kalian,
alah jaleh koruptor nan paliang mulia…
LELAKI
Cito-cito ambo nan paliang
mulia titik.
ANAK MUDO
Aden titik.
ORANG TUO
Lah jaleh cito-cito ambo
koma.
LELAKI
Kalau baitu, bia kito bisa
tau nan ma yang paliang mulia mari bacakak wak ba samo.
ORANG TUO
Itu bana nan den tunggu
dari tadi, ambo lah ndak sabar manggunoan juruih silek nan lamo tapandam .
BACAKAK
LAH TIGO URANG TU, TAPI SETELAH LIMO MINIK MEREKA BARANTI.
ORANG TUO
(MENGHELA NAFAS) alah tu. Bia bisa kito tau sia yang mulia mari kito
karajoan cito-cito kito masiang-masiang.
LELAKI
Jadih, ayo wak krajoan.
ANAK MUDO
Jadih, sia yang takuik.
PAILAH
KA TIGO URANG TU MANGAJA CITO-CITO NYO MASIANG-MASIANG.
Tidak ada komentar:
Posting Komentar